Mahmmmah!

Við erum heima í stuttu fríi eins og er. Förum á morgun aftur til Ítalíunnar. Þetta er eiginlega of stutt stopp þar sem Særún Luna er loksins farin að aðlagast breytingunum. Ætli það verið ekki nokkrar andvökunætur í Róm á næstunni. Annars náði ég loks að láta langþráðan draum rætast og fara á röltið í miðbæ Reykjavíkur með barnavagninn. Það er alveg rosalega gaman. Við Ásta vinkona fórum og fengum okkur ís í sumarsólinni og ég get ekki annað sagt en að ég hefði alveg verið til í að vera heima í góða veðrinu á Íslandi í sumar. Annars er góða veðrið á Ítalíu alveg ágætt líka.
Luna kallaði á mig inn í herbergi í gær "mummmummmmammmuhh!" og þegar ég loks birtist í gættinni sá ég hvar Luna stóð í ruminu skælbrosandi og mjög stolt á svipin. Þá hafði hún afrekað að standa á fætur sjálf og vildi endilega sýna mömmu sinni hvað hún væri dugleg svo að hún kallaði bara á mig. Bráðfyndin hegðun og ég gat ekki annað en smellt af til að sýna ykkur, enda mjög stolt af dótturinni.